Ulu Öndərin əziz xatirəsi ehtiramla anılıb
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində Ulu Öndər Heydər Əliyevin anım günü ilə əlaqədar tədbir keçirilib.
Dövlət Xidmətinin rəisi Məmməd Abbasbəyli Ümumilli lider Heydər Əliyevin misilsiz fəaliyyətindən, Azərbaycanın inkişafı və milli dövlətçilik ənənələrinin gücləndirilməsi istiqamətində tarixi xidmətlərindən bəhs edib, bu siyasi kursun Azərbaycan Respublikasının Prezidenti cənab İlham Əliyev tərəfindən uğurla davam etdirildiyini vurğulayıb.
Tədbirdə Ulu Öndərə həsr edilən video-çarx nümayiş olunub.
