Nottinqem Hüquq Məktəbinin Dövlət Satınalmaları Araşdırma Qrupu tərəfindən “Dövlət Satınalmaları: Qlobal İnqilab XI” mövzusunda Nottinqem şəhərində konfrans keçirilib. 300-ə qədər nümayəndə və məruzəçinin iştirak etdiyi konfransda İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin nümayəndələri də iştirak ediblər.

Konfransda əsasən “Dünya Bankı - davamlı inkişaf üçün satınalmalar sahəsində qlobal tərəfdaşlıq, satınalmalarda davamlılıq, sosial və inklüziv satınalmalar, satınalma sisteminin müqayisəli təhlili, satınalmaların auditi, rəqəmsallaşma və süni intellekt” və digər mövzularda dinləmələr və müzakirələr aparılıb.

Qeyd edək ki, Nottinqem şəhərində keçirilən konfrans Dövlət satınalmaları sahəsində mütəxəssislərin, o cümlədən dövlət satınalmaları sahəsində çalışan iri beynəlxalq təşkilatlarının nümayəndələrinin, hüquqşünaslar eləcə də alimləri bir araya gətirən platformadır.