Menyuda qiymət qeyd edilməlidir?
İctimai iaşə müəssisələrində müştərilərə təqdim olunan məhsullar və göstərilən xidmətlər barədə dolğun və düzgün məlumat verilməsi məqsədilə obyektdə menyu və çeşid siyahısı olmalıdır. Menyu qanunvericiliyin tələblərinə uyğun tərtib edilməlidir. Bu tələblərə əsasən menyuda hər bir xörəyin tərkibi (əsas inqrediyentlər və çəkisi göstərilməklə), miqdarı və qiyməti göstərilməlidir. Əgər ictimai iaşə obyektində menyu olmazsa, yaxud qanunvericiliyin tələbinə uyğun şəkildə tərtib edilməzsə, sahibkarlar məsuliyyətə cəlb oluna bilərlər.
