İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti və Caspian Energy Club-un nümayəndələri arasında onlayn formatda növbəti görüş keçirilib.

Tədbirdə antiinhisar siyasətinin prioritetləri, sağlam rəqabət mühitinin gücləndirilməsi, bazarın liberallaşması məqsədilə görülən işlər barədə məlumatlar verilib, yerli istehsalın keyfiyyətinin və rəqabətqabiliyyətliliyinin yüksəldilməsi istiqamətində tədbirlərin önəmi istirakçıların diqqətinə çatdırıb. Qeyd olunub ki, dövlət satınalmalarına dair qanunvericilikdə edilən son dəyişikliklər dövlət vəsaitinin səmərəli istifadəsinə, müsabiqələrin şəffaf və ədalətli keçirilməsinə xidmət edir.

Görüşdə açıq və səmimi dialoqa görə Dövlət Xidmətinə təşəkkür edilib və bu cür görüşlərin mütəmadi keçirilməsinin təklif və problemləri müzakirə etmək üçün geniş imkanlar yaratdığı bildirilib.

80-a yaxın sahibkarın iştirak etdiyi görüşdə rəqabət, istehlak bazarına nəzarət, dövlət satınalmaları və keyfiyyət infrastrukturuna dair suallar cavablandırılıb, aidiyyəti təkliflər səsləndirilib.