Biznes mühiti və beynəlxalq reytinqlər üzrə Komissiyanın Əmtəə bazarının səmərəliliyi və rəqabət İşçi qrupunun onlayn formatda növbəti iclası keçirilib. Tədbirdə İşçi qrupunun 2021-ci il üçün Fəaliyyət Planının və əvvəlki Protokolda qərara alınan tədbirlərin icra vəziyyəti, qarşıda duran məsələlər və İşçi qrupunun 2022-ci il üçün Fəaliyyət Planının layihəsi müzakirə edilib.

Özəl sektorun nümayəndələri ilə birlikdə qarşılıqlı müzakirələr formatında keçən iclasa İqtisadiyyat Nazirliyinin, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin, Dövlət Neft Şirkətinin, Kiçik və Orta Biznesin İnkişafı Agentliyinin, "Keyfiyyət Assosiasiyası" İctimai Birliyinin, Azərbaycanda Qadın Sahibkarlığının İnkişafı Assosiasiyasının, "PricewaterhouseCoopers Azerbaijan" və “Ekvita” şirkətlərinin nümayəndələrı qatılıb.       

Görüşün sonunda Fəaliyyət Planında nəzərdə tutulan tədbirlərin icrasının vaxtında və səmərəli təmin ediməsi, İşçi qrupunun 2022-ci il üçün Fəaliyyət Planının layihəsinin təkmilləşdirilməsi məqsədilə müvafiq qərarlar qəbul edilib.