Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi tərəfindən  8 - 10 iyul 2026-cı il tarixlərində uyğunluğu qiymətləndirən qurumların, 15 iyul 2026-cı il tarixində isə qaz yanacağı ilə işləyən qurğu və avadanlıqlar sahəsində fəaliyyət göstərən təsərrüfat subyektlərinin iştirakı ilə maarifləndirici görüşlər keçiriləcək. Azərbaycan Respublikası Energetika Nazirliyinin nümayəndələrinin də qatılacağı görüşlər “Hökümət evi”nin inzibati binasında saat 11:00-da baş tutacaq.

Müzakirələr zamanı “Qaz yanacağı ilə işləyən qurğu və avadanlıqların təhlükəsizliyi haqqında” texniki reqlamentin əhatə dairəsi, təhlükəsizlik tələbləri, tətbiqi mexanizmləri, uyğunluğun qiymətləndirilməsi prosedurları, eləcə də müvafiq istiqamətdə sahibkarlıq subyektlərinin öhdəlikləri barədə ətraflı məlumat veriləcəkdir.

Maraqlı şəxslər müvafiq formanı doldurmaqla qeydiyyatdan keçə və görüşdə iştiraklarını təsdiqləyə bilərlər.

Məlumat üçün bildirək ki, “Qaz yanacağı ilə işləyən qurğu və avadanlıqların təhlükəsizliyi haqqında” Texniki Reqlament Nazirlər Kabinetinin 2026-cı il 6 may tarixli 131 nömrəli Qərarı ilə təsdiq edilib.