Azərbaycan Metrologiya İnstitutunun bir qrup əməkdaşı “Tərəqqi” medalı ilə təltif edilib
Azərbaycan Respublikasının Prezidenti cənab İlham Əliyevin Sərəncamı ilə Azərbaycan metrologiya sahəsinin inkişafında xidmətlərinə görə Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan “Azərbaycan Metrologiya İnstitutu” publik hüquqi şəxsin bir qrup əməkdaşı “Tərəqqi” medalı ilə təltif edilib.
Ölkəmizdə metrologiya sahəsinin inkişafına göstərilən yüksək diqqət və metroloqların əməyinə verilən ali qiymətə görə dövlət başçısı, möhtərəm cənab Prezident İlham Əliyevə dərin minnətdarlığımızı bildirir, “Tərəqqi” medalı ilə təltif olunan həmkarlarımızı ürəkdən təbrik edir, onlara peşəkar fəaliyyətlərində davamlı nailiyyətlər arzulayırıq.
