Tələbələr üçün Metrologiya İnstitutuna məlumat turu təşkil edilib
Ali təhsil müəssisələrinin tələbələri üçün İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Metrologiya İnstitutuna məlumat turu keçirilib.
Tədbirdə tələbələrə effektiv keyfiyyət infrastrukturunun yaradılmasında Metrologiya İnstitutunun əhəmiyyəti, dövlət etalonları, ölçmə vasitələrinin yoxlanılması və kalibrlənməsi laboratoriyaları barədə məlumat verilib. Tələbələr həmçinin, İnstitutda yerləşən ölkənin ən dəqiq nüvə saatının iş prinsipi ilə də tanış olublar.
Sonda tələbələri maraqlandıran suallar cavablandırılıb.
